இருத்தல் என் சுதந்திரம்

வியாழன், 7 அக்டோபர், 2010

முயலாமை

வியாழன், 7 அக்டோபர், 2010
அப்பன் காலத்தில்
நடந்த கதைகளையெல்லாம்
மறந்துவிட்டு
காட்டு விலங்கெல்லாம் அழைத்து
சத்தம் போட்டது முயல்

காட்டில் அழகான மிருகம்
தானே என்றும்
தனக்கு வேகமாக ஓடத் தெரிவதால்
தன்னில் சிறிய விலங்குகளுக்கு
தான்தான் தலைவனென்றும்
உரத்துப் பேசியது

அப்பன் காலத்து
கதைகளை மறக்காமல்
பற்றைக்குள் அமைதியாய்
படுத்திருந்த ஆமை
சிரித்துக் கொண்டே தலையாட்டியது
பொறு……பொறு…….
வேகமாய் ஓடினாலும்
தூங்குவாய்தானே என்று…..

0 comments:

கருத்துரையிடுக

 
◄Design by Pocket